Një ditë si Skënderbeu

Rregullat e vjetra ka kohë që kanë filluar të prishen në çdo aspekt dhe është e dhimbshme që njerëzit nuk vuajnë më si më parë.

Edhe vuajtja është bërë më e lehtë.

Rrallëherë vijnë lajme vetëvrasjesh nga dashuria. Të merr malli të shijosh vuajtjen filozofike të dikujt, sepse kjo kategori e vuajtjes është tretur. Sot më të shumtët vuajnë nga humbja e skedinave të futbollit dhe vrasjet ndodhin nga bezdia që ndien tjetri kur partneri lidhjen e tyre e merr shumë seriozisht, aq seriozisht sa krijon vartësi. Është bërë i tepërt dhe vrastar serioziteti i një ndjenje.

Edhe peizazhet e qyteteve janë bërë kuadrate-kuadrate me ngjyra të ndezura si lojëra me kuba fëmijësh.