Guximi që u duhet lumenjve

Manushja është betuar të bëhet burrneshë. Që nga dita kur i presin shkurt flokët e artë, që ia djegin para kuvendit të burrave në një zjarr ku hedhin pajën e qepur për tri vite rresht, ajo vesh tirqit e burrave, vë qeleshen mbi kokë dhe të gjithë burrat e respektojnë dhe e konsiderojnë të barabartë me ta. Por ardhja e Adrianit, një krijesë me të shkuar enigmatike dhe vështrim magjepsës, do t’i zgjojë dëshira të ndaluara, duke i kujtuar se femra që ka ndrydhur brenda vetes është ende gjallë.

Realiteti i maleve merr ngjyra poetike në këtë roman magjepsës, që përcjell me forcë përplasjen e miteve të lashta me realitetin.

Për këtë roman Emmanuelle Favier ka marrë një seri çmimesh, mes të cilëve:

– Çmimi “Zbulimi i vitit”, Société des Gens de Lettres”, Paris

– Çmimi “Libri i preferuar i gjimnazistëve”, Fondacioni Prince Pierre, Montekarlo

– Çmimi “Poulet-Malassis”, Alençon

– Përzgjedhje “Libri i preferuar” libraritë “Cultura”, Francë