Më quajnë Aleksandër Moisiu

Unë linda në vitin 1879 në Trieste. Prindërit e mi ishin Kostandin Moisiu nga Kavaja dhe Amalia de Rada, me origjinë arbëreshe. Që në rini e më pas, jeta ime u lidh me magjinë e skenës, me teatrin dhe me kinematografinë. Kam interpretuar rolet më të spikatura të botës së teatrit, deri në ditët e fundit të jetës sime. Ndonëse linda dhe jetova jashtë Shqipërisë, në zemrën time mbeti e paharruar fëmijëria që kalova në Durrës, dhe një dashuri e pashuar për gjithçka shqiptare.