Kapelëkuqja Diellzë

Dikur na ishte një vogëlushe Enni…tani na është një Kapelëkuqe Diellzë. Dikur shkonte në kopsht… tani është nxënëse në klasën e parë. Dikur vinte në kokë një fjongo të kaltër, si syçkat e saj,… tani vesh kostum të kuq, mbath këpucë të kuqe… Hedh në shpinë çantën e kuqe të librave dhe vë në krye kapelën e kuqe që ia ka qëndisur gjyshja… Dhe ndërroi emrin!

Po, po, vërtet ndërroi emrin dhe hyri në përrallë. Por mbeti ashtu siç kishte qenë: e mirë, e mençur, e sjellshme, e dashur, ledhatare, e dalluar në shkollë dhe punëtore në shtëpi.