Gjithçka që duhet të dini për kafshët

Kur të shfletoni faqet plot ngjyra të kësaj enciklopedie që ju flet për kafshë nga më të çuditshmet, që nga më të voglat e deri te më të mëdhatë, mënyrën se si jetojnë dhe kërshëri nga jeta e tyre, do të ndiheni sikur jeni futur brenda kësaj bote mahnitëse, plot me të papritura. Me librin “Gjithçka që duhet të dini për kafshët”, imagjinata e lexuesit do të nxitet nga faqja në faqe dhe informacionet e marra do të jenë interesante dhe intriguese. Informacionet janë të grupuara në pesë kapituj që eksplorojnë mbretërinë e madhe të kafshëve. Libri përmban veprimtari, fjalorth, adresa interneti, fakte të çuditshme dhe kërshëri që do të frymëzojnë mendjen e fëmijëve. Këndet e posaçme informuese dhe ndërvepruese mbështesin dhe përforcojnë çdo temë të librit, si dhe u japin mundësi fëmijëve të provojnë veten për atë çka kanë lexuar.