Jeta e dyfishtë e një agjenti

Lufta e Dytë sapo ka përfunduar dhe komunizmi është instaluar me shpejtësi. Në kupolën e lartë qeverisëse kanë filluar vrasjet e para. Luan Gjika personazhi kryesor i romanit e gjen veten në zgrip të ekzistencës. I deyruar të braktisë atdheun, ai vendoset në SHBA, si agjent i rekrutuar nga shërbimi sekret rus. Detyra e tij ëshrë përfshirja në grupin e emigrantëve nacionalistë shqiptarë dhe eliminimi i kryetarit të tyre. A do ta kryejë Luani detyrën e ngarkuar? Ngjarjet lëvizin me shpejtësi dhe ndryshojnë vazhdimisht rrjedhë. Nëpërmjet rrëfimeve psikologjike, autori na zbulon përplasjet e shumëfishta që ndodhin në botën e brendshme të një agjenti sekret.
Një roman ku ndjenja atdhetare ndeshet e gërshetohet me interesin politik, familjar shoqeror dhe professional.