Më quajnë Onufri

Onufri, piktori më i fuqishëm dhe më i rëndësishmi shqiptar i pikturës mesjetare të shek. XVI, krahasohet, nga studiuesit tanë dhe ata të huaj, me piktorët më të mëdhenj botërorë të asaj kohe. Ngjyra e kuqe, që spikat në shumicën e tablove të tij dhe që simbolizon, mesa duket, përpjekjet e mundimshme të shqiptarëve për liri, e dallon menjëherë nga piktorët e tjerë bashkëkohës, si të Shqipërisë apo dhe ata të Ballkanit.