Një armik i padukshem

Sa herë që shuhet një yll, një tjetër Ektros ka fituar një betejë. Para se vëllai i vogël i Megi Marit, Çarls-Uollsi, të sëmuret për vdekje, ai shikon dragonjtë në kopshtin e zarzavateve. Dragoi është Proginoski, një engjëll me krahë e me sy, me trup prej ere dhe flake. Është detyra e Megit dhe e Proginoskit, bashkë me shokun e Megit, Kelvin, që të shpëtojnë jetën e Çarls-Uollsit. Që të arrijnë këtë ata duhet të futen thellë brenda Çarls-Uollsit, të përpiqen të mposhtin Ektrosët dhe të rikthejnë harmoninë e përsosur e gëzimin në ritmin e krijimit, në këngën e universit.