Njerëz, vite, jetë…

Shkrimtari dhe publicisti i shquar rus vjen në këtë përmbledhje me mbresa e kujtime për ngjarje që i ka jetuar vetë dhe për njerëz që i ka takuar, si politikanë, shkrimtarë, artistë, ëndërrimtarë, aventurierë etj. Autori shprehet se çdo libër është një rrëfim, po një libër me kujtime është një rrëfim pa përpjekjen më të vogël për ta fshehur veten pas heronjve të trilluar. Gjatë një gjysmëshekulli, vlerësimi për njerëzit dhe për ngjarjet ka ndryshuar shpesh, ndaj Erenburgu, në këtë libër, jep vlerësimin e tij për njerëz të veçantë, si Pikaso, Tolstoi, Majakovski, Esenini etj, dhe për vendet e ndryshme të vizituara, si Italia dhe Spanja. Ky libër zë një vend të veçantë në krijimtarinë e autorit, është një përpjekje e tij për të lënë një dëshmi të gjallë në një kohë kur po lihen fare pak të tilla.