Erërat që trazojnë mjegullën

Në mesjetën e mesme arbërore, kur kufijtë gjeografikë lëvizin si me dorë dhe ngjarjet politike janë të paqarta, ekziston një qytezë e vogël mes maleve, që jeton në moskokëçarjen e vet. Zoti i saj është një njeri misterioz, i egër dhe i fuqishëm. Shpirti i tij zgjohet sa herë që erëra të reja fryjnë dhe trazojnë mjegullat e përjetshme të Naltinisë. Fjala “ndryshim” nuk ekziston.

Ky roman është një “rilexim” i legjendës së Gjergj Elez Alisë dhe Bajlozit të Zi. Një panoramë kalorsiake dhe gotike, në një mjedis të magjepsur, plot mite dhe besëtytni, ku lufta për pushtet zhvillohet e ashpër, me intriga dhe me dritëhije të forta.