Flokëzkarota dhe Histori natyre

Jules Renard ishte shpirt i ndjeshëm dhe pavarësisht se kaloi një martesë të lumtur dhe u bë prind i dy fëmijëve, bëri çmos që vështirësitë e mjerimin e fëminisë së vet t’i mbante të fshehta. Megjithatë, te Flokëzkarota, këto kujtime të fëminisë ngrenë krye, duke krijuar një ndër veprat moderne më ironike dhe të ndjeshme për jetën në fshat. Gjuha e kësaj vepre do të ushtronte një ndikim të madh te bashkëkohësit dhe në brezat e mëvonshëm. Të shumtë janë shkrimtarët që e kanë vlerësuar. Roberto Bolaño e quan një ndër tregimtarët më të mirë.
Me këtë libër, lexuesit kanë në shqip dy nga veprat më përfaqësuese të autorit.