Gjelat këndonin ndryshe

Halit Beu është një nga bejlerët shqiptarë të fillimshekullit të shkuar, i cili duhet të përballet me ndryshimet që po sjellin ato kohë të vrullshme dhe të turbullta të historisë.
Një njeri i pangopur me etjen për të patur pushtet, pasuri, i mbarsur me vese, por steril me shtatë gratë e tij.
Kohët e vjetra po përmbysen, Haxhi Qamili po tund flamurin e Dovletit, të ndriçuarit e shqiptarisë kërkojnë udhën drejt lirisë e Perëndimit, kurse Halit Beu nuk dëshiron të prishë limontinë që ka arritur nën qiellin e sulltanit.
“Gjelat këndonin ndryshe” është rrëfim i pashoq, me një galeri personazhesh dhe një rrëfim që të merr frymën si kanë qenë të papriturat e atyre kohëve marroke.