Ministria e Zgjidhjeve

Po sikur të ekzistonte vërtet? E kam fjalën për Ministrinë e Zgjidhjeve. Mund të rrëmbenim një laps e të shkruanim: “E dashur Ministri e Zgjidhjeve, kam një problem që vetëm ju mund të ma zgjidhni…” Një letër, me zarf e pullë, sepse kjo Ministri nuk pranon mesazhe dhe e-maile! Kjo është ideja e mrekullueshme e këtij libri dhe ja se ç’i ndodh Ninës njëmbëdhjetëvjeçare, së cilës I pëlqejnë aventurat, kur merr vesh këtë lajm. Babai i saj është postier dhe një ditë prej ditësh, kthehet në shtëpi me një letër të çuditshme drejtuar Ministrisë së Zgjidhjeve”. Nina dhe shoqja e saj, Alfa, zbulojnë se ajo Ministri dikur paskësh ekzistuar vërtet dhe ndihmonte njerëzit në vështirësi, por duke vepruar në fshehtësi të plotë.

Dy vajzat përpiqen ta ngrenë sërish Ministrinë e Zgjidhjeve, në fillim për t’i ardhur në ndihmë dërguesit të letrës, Rubenit të vogël, të cilin e ngacmon dhe e tall shoqja e klasës, Sofia, por rrugës zbulojnë se qyteti qenkësh plot me probleme për t’u zgjidhur! Dhe pastaj, ato duhet të zbatojnë edhe rregullat e rrepta të Ministrisë, përndryshe mund të ndodhë që të mbyllet, siç ka ndodhur vite më parë. Po cilat janë këto rregulla?

RREGULLAT PËR TË GJITHA MINISTRITË E ZGJIDHJEVE NË BOTË

1. Çdo ndihmë është anonime;

2. Ndalohet të ndihmosh veten;

3. Problemet që do të zgjidhim, i gjejmë vetë;

4. Nuk u hapin telashe të tjerëve;

5. Ministria ndihmon këdo.

“Çfarë libri i mrekullueshëm! Lexohet shpejt dhe ka një histori emocionuese. Dëshiron të dish se çfarë ndodh më pas dhe më pas me personazhet. Ndoshta lexuesit e vegjël do të motivohen të ‘themelojnë’ ‘Ministrinë’ e tyre dhe të ndihmojnë të tjerët!”

Hebban

Mosha e leximit: nga 8 vjeç