Sytë e zinj të borës

E ti, prapë po të pyes: a ke frikë? Megjithëse e di se ka raste kur të gjithë të dhunojnë, si të gjymtin, të pafjalin, të palëvizshmin në kufi të Kosovës dhe Maqedonisë së Veriut dhe në këtë, të gjithë kënaqen me të dhunuarit ty, si ata policë maqedonas, megjithëse e di që edhe dhunimi është i kalueshëm, megjithatë, kam frikë dhe shpresoj kurrë të mos kthehet, siç është varësimi nga heroina dhe të varësuarit tënd nga tjetri pikërisht në heroinë. E ti, teksa përqafon fëmijën tënd, teksa adhuron mjekrën e babait tënd dhe mendon si do ta bëje pallto, teksa djali ta ka blerë edhe një shtëpi, teksa u këndon miliona njerëzve, teksa mban fjalim, teksa gjuan molotovin e radhës, teksa je duke vdekur nga kanceri, teksa je duke lindur, teksa je duke lexuar, a ke frikë?
Marrë nga novela “Të duash”