Byzylyku me gur granati

Historia më prekëse e dashurisë e shkruar nga A. Kuprini, një dashuri e pastër, e vrullshme, fisnike, e bukur dhe e trishtueshme

Prej kohësh, princesha Vera merr letra të zjarrta dashurie nga një burrë misterioz. Deri tani, kjo nuk dukej si diçka që mund ta shqetësonte. Por, befas, i dashuruari i fshehtë bën një hap më shumë: në ditën e emrit të princeshës, i dërgon një byzylyk me gurë granati. Kush është ky burrë dhe çfarë pret prej saj? Është vallë një i marrë, apo një njeri i dashuruar që, i rrëmbyer prej pasionit, ka humbur gjykimin? Dhe, më tej akoma, a ekziston ajo që admiruesi sekret e quan “dashuri e vërtetë”, një pasion i atyre që shfaqen vetëm një herë në një mijë vjet?

“Ç’vepër e shkëlqyer është ‘Byzylyku me gurë granati’ i Kuprinit! E mrekullueshme! Jam i gëzuar; është si ditë feste për mua! Po fillon letërsia e mirë!”
Maksim Gorki