Libri i egër

Biblioteka është vend i paqtë si parajsë, nuk ka nevojë për heronj që shpëtojnë dikë, sepse askush nuk rrezikohet. Por kjo histori ka ndodhur pikërisht në shtëpinë e librave. Në të tregohet sesi librin e dielltë e mbyllën në një terrarium dhe e quajtën “i egër”. Egërsia zakonisht është veti e gjërave të gjalla: kafshë e egër, bimë e egër, njeri i egër dhe zor se përdoret për librat, pasi ata kanë vetinë e mirë të zbusin edhe zemrën më të pandjeshme. Por i mbyllur në burgun prej xhami ai ishte tashmë i paprekshëm dhe ky është dënimi më i madh që mund t’i bëhet një libri. Libora, një vajzë e vogël, duke i lexuar ditë pas dite e ndihmoi Librin e Egër të shihte anën e mirë, të besonte se e mira është e mundur. Ai vërtet ISHTE ndryshe nga të tjerët, por s’kishte pse të ishte “i egër” për ta vërtetuar se ishte i veçantë.