Një elefant elegant

Libri “Një elefant elegant” i serisë “Luaj dhe shkruaj” të mëson se shkronjat e vogla janë aq të rëndësishme sa po të mos jenë në vendin e duhur ia ndryshojnë kuptimin një fjale dhe ia prishin kuptimin një fjalie. Dhe pastaj ndosh hataja: truri nuk merr vesh asgjë dhe gjuha ngatërrohet keq fare. Por… mund të jesh ti superheroi shpëtues i përrallave! Merr lapsin, mprih vëmendjen dhe ndreqi shkronjat e shkruara gabim te faqet e djathta të librit. Në fund ka një kënd lojërash me fjalët ku ti mund të zbavitesh. Mos harro që historinë që rindërtove me doçkat e tua t’ia lexosh para gjumit lodrës sate të dashur, vëllaçkos, motrushes, mamit, babit, gjyshit a gjyshes… apo kujt të duash ti!