Pështjellimet e Tërlesit

“Ashtu si Niçja ka sjellë filozofinë e romanit, Musili ka sjellë romanin e filozofisë. Por ky afrim nuk do të thotë se Musili është më pak romancier se romancierët e tjerë. Po ashtu Niçja nuk është më pak filozof se filozofët e tjerë.” – kështu e vlerëson Milan Kundera veprën “Pështjellimet e Tërlesit”, e cila vjen në shqip nga Jonila Godole.

I shkruar në moshën 26 vjeçare, Tërlesi është romani i parë i Musilit. Vetëm pas botimit të tij, autori, i cili kishte provuar më parë të merrej me shkenca ekzakte e më pas me filozofi, vendosi t’ia përkushtojë jetën letërsisë.

Musili u mor gjithë jetën me shkrimin e një vepre të vetme “Njeriu pa cilësi“, të cilën nuk arriti ta përfundojë e që sot cilësohet si një nga romanet themelore të shekullit XX.