Toka amerikane

Lidia Perez jeton në qytetin e Akapulkos, në Meksikë. Ajo ka një librari që e konsideron si strehën e saj të ëndrrave, një djalë, dritën e syve të saj dhe një bashkëshort të mrekullueshëm, i cili është një gazetar sypatrembur.

Një ditë, në librarinë e saj hyn një burrë, i cili blen dy nga librat e saj të preferuar. Ai quhet Havier dhe është erudit.

Lidia nuk e di, por ai është shefi i kartelit më të ri të drogës në qytet. Mes te dyve lind një miqësi shumë e veçantë, e cila e bën Lidian të besojë në mirësinë e atij njeriu.

Në një qytet që drejtohet nga një kartel droge, miqtë mund të bëhen armiq brenda një nate dhe Lidias nuk i mbetet veçse të arratiset nga qyteti, bashkë me të birin.

Rrugëtimi është i rrezikshëm, jo vetëm për ata, por edhe për shumë të tjerë që do të njohin pergjatë tij. Kujt mund t’i besojë dhe sa e përgatitur është Lidia per te sakrifikuar gjithçka?